Andreplass til Vik i KM innandørs i Førde

Detaljar

Kategori: Nyhende

Publisert den søndag, 23. januar 2011 08:57

Skrevet av Jarle Christensen

Treff: 805

Klokka 6.25 om morgonen laurdag 22. januar var det ein søvnig men optimistisk vikjagjeng som reiste til Førde for å spela KM innandørs.

Her følgjer ein "after-action"-rapport frå lagleiar Jarle Christensen.     

Desse spelarane var med:

• Tarjei Vevle
• Stig Roar Hovland
• Robert Hovland
• Kristoffer Valsvik
• Marius Valsvik
• Idar Holen
• Rene Haugen.

Lagleiar på turen var Jarle Christensen og materialforvaltar var vetle Sander.

Resultat frå innleiande runde:

Vik- Kaupanger 3-1

Vik- Florø2 4-4 (me leda 3-0 og 4-1...)

Vik- Anga 3-0

1/8 finale Vik- Loen 3-2

1/4 finale Vik- Kaupanger 3-1

1/2 finale Vik- Jølster 4-2

Finale Vik- Florø1 1-2 (Florø skåra 2 min. inn i sudden death)

Det var ei svært positiv turnering for Vik sin del. Det var på sin plass å få ein "nasestyvar" mot Florø2, der me rotar vekk ei klar leiing. Etter denne kampen er me konsentrerte og disiplinerte dei resterande kampane. Finalen kunne vippa begge vegar, den var jamspelt, tett og sjansefattig. Etter mi meining var det dei to beste laga som kom til finalen. Me i Vik vil gratulera Florø med KM tittelen og ynskje dei lykke til i 3.divisjon i år! Vik tok med seg ein fin pokal, ein sjekk på 4000,- og ein god porsjon sjølvtillit frå denne laurdagen i Førde.

Underteikna var spesielt imponert over moralen som laget viser og den gode og konstruktive stemninga i laget. Dette viser seg i kampane, der me med eit lite unntak var disiplinerte til tåspissane og jobbar for kvarandre heile vegen. Dette lover godt for det vidare arbeidet i oppkøyringa.

På laurdag reiser me til Balestrand for å trene på kunstgraset der og laurdagen etter reiser me til Høyanger for å spele første treningskampen. Det blir kjekt!

• < Førre
• Neste >