Høyang - Vik 2-3

Detaljar

Kategori: Nyhende

Publisert den laurdag, 11. september 2010 12:39

Skrevet av Redaktør

Treff: 233

Vik har for alvor meldt seg inn i kampen om den viktige 6.plassen, som gir rett til spel i 3.divisjon også til neste år. Høyang ville mykje, men Vik trakk det lengste strået.

Vik kom frå Florø kampen med masse sjølvtillit, og har enda eit håp om å ta 6.plassen. Høyang har lite å spele for, men spelte ein grei kamp mot eit sterkt Viklag. Kampen hadde nesten alt. Store sjansar, dramatikk, straffespark.. Meir kunne ikkje heimepublikummet på Sletta få. For Vik tok sin andre siger på rad.  Personleg tykkjer eg synd i Høyang som har vore katastrofale i haustsesongen. Den andre halvdelen av hjertet mitt bankar for Høyang, og det er trist at laget ligg sist, og rykkjer ned.

Men tilbake til kampen. Det vart ei jamn opning, der spelet bølga fram og tilbake. Vik produserte dei største sjansane, Høyang var fullt på høgde med Vik innleiingsvis, og kunne ha skora. 

Men det var Vik som tok leiinga. Ein corner fra Kristoffer Valsvik traff pannebrasken til sin eldre bror Marius, som styrte ballen via Jaran Vefring i Høyangburet. Ei fortjent leiing, men Høyang var ikkje ufarlege.

Det vart ein underhaldande og spennande 1.omgang me vart vitne til.. Vik var farlege på overgangane sine, medan Thomas Frichsen prøvde så godt han kunne på heimelaget å opne for ei utlikning.

Pause på Sletta. Underteikna er inne på bana i pausen, og sler crossballar til stor begeistring for heimepublikummet:) hehe.... 

2.omgang byrja som den første slutta. Vik har overtaket, men Høyang nektar å gje opp.. Spiriten til Høyang er tilstades, men sjølvtilliten ligg gøymt ein plass mellom mai og juni..

Så startar dramatikken på Sletta.  Høyang får frispark. Thomas Frichsen tek frisparket kjapt, og spelar i bakrom til Kristoffer Kaldstad. Piotr Cupryn er litt nølande, men kjem ut, og regelrett knuser unge stakkars Kaldstad i bakken. Straffe til Høyang. 1-1, treng eg å sei meir ? Thomas Frichsen som alltid set straffa sikkert. 

Då fekk Høyang noko å juble for, i ca 3 minutt. Øystein Myrkaskog fyrer av, treff tverliggaren, og ballen sprett ut, og Endre Holstad sett ballen i mål. Vik opp i føringa.

Det blir mykje skriv om Thomas Frichsen i dag, men ein frustrert nr 10 lova ikkje godt. Kanskje ikkje så rart frustrasjonen sprer seg då ein slepp inn mål rett etter utlikninga.

Frichsen fekk gult kort for å sparke bort ballen, og samme mann var på ferd då han jakta ein ball som gjekk til Piotr i Vikburet. Thomas prøver å gå på ball, men treff Piotr. Heldigvis gjekk det bra med Piotr som blei liggande lenge.

Høyang får corner , Amund Rørvik, (sonen til Ausa) sler ein passning rettning 16 meteren, der dukka Daniel Nordeide opp og skyt ballen knallhardt i mål.!!! Ein fantastisk skoring, og Høyang utliknar for andre gang. 

Då tenkte mangen at kampen skulle ebba ut til poengdeling, som det har blitt dei siste 3 oppgjera.

Men så skjer det som har vore litt av Høyangs største utfordring i år. Vik tek leiinga på nytt, og dette berre 2 minutt etter Høyang si skoring. Merkeleg, men sant. 

Thomas Hjortland er på plass, og sikra Vik 3.poeng. Høyang spelte ein heilt ok kamp, men blei straffa for enkle baklengsmål...  Vik produserte store sjansar, og hadde tidvis kontroll på Høyang. 

Dagens vikje, vår kjære kaptein, Marius Valsvik.

(PS: Stig Roar Hovland satt ringside på tribuna med gamle lagkameratar i denne kampen pga raudt kort).

Me nermar oss Florø på tabellen!

Piotr - Idar - Marius - Steinar - Jarle - Robert - Tarjei - Kristoffer - Thomas - Endre - Øystein

Benk: René, Tord, Svein Erik