Endeleg haustsesong

Detaljar

Kategori: Nyhende

Publisert den onsdag, 04. august 2010 15:57

Skrevet av Coach

Treff: 313

Haustsesongen blir endeleg sparka igang igjen på fredag. Les meir om kva tankar Coach Hovland gjer seg om dette og sommarens treningskampar.

Etter litt ferie starta me oppatt treningane 21. juli, det vil seia at me nesten har 3 veker med trening i beina før kampen mot Fjøra på fredag.

Som vanleg på sommaren er det nokre som er vekke på ferie og ikkje får med seg alt av treningar. Dette toppa seg litt når me skulle spela treningskamp mot Voss, og me hadde store vanskar med å stilla lag.

Mot Voss leverte me ein kanon god 1. omgang der me leda 1-0, men Voss putta to gonger før pause. Likevel er me svært nøgde med 1. omgang der me er på høgde med Voss og gjev dei god motstand. Me 12 mann tilgjengleg og eit tidleg bytte i 1. omgang på grunn av skade gjorde at rammene for andre omgang  var vanskeleg, men me greidde å fullføra kampen, men noko meir om andre omgang er ikkje verdt å nemna.

Elles har me to spelarar med langtidsskade som har trena bra i sommar, både Robert og Tord har fått med seg masse treningar, so me vonar at dei vert kampklare i løpet av hausten.

Me har trena relativt hardt no i sommar for bygga opp kapasiteten framføre ein tøff haustsesongen, dette er ein praksis me har nytta oss før og som har funka bra.

No ventar Fjøra på fredag og utgangspunktet før den kampen er at med siger mot Fjøra vil me vera 6 poeng føre dei på tabellen, med tap er me likt. I dei siste obligatoriske kampane har me hatt eit bra tak på Fjøra med 2 sigrar og 1 uavgjort. Me går som vanleg for siger, vonleg får med oss ein heiagjeng frå Vik til denne kampen. Det er alltid godt med litt støtteJ

Som nemnt i innleiing ventar ein svært spennande haustsesong, me har sjølvsagt som målsetjing å bli blant dei 6 beste, men det vert viktig ikkje tenkja altfor mykje på dette, me lyt ta ein kamp av gang og ikkje minst satsa på å ha det moro på trening og kamp framover so får me telja opp til slutt. 

Coach Hovland