Tett på Nett: Marius Bøe

Detaljar

Kategori: Nyhende

Publisert den fredag, 25. mars 2011 12:38

Skrevet av Redaktør

Treff: 352

I dag har vik-fotball.com hatt eit lite nettmøte med Kaupangertrenar Marius Lenni Bøe.
Marius har spelt over 100 kampar for IL Høyang, og var trenar for samme lag 2008/2009 sesongen. 

Som spelar var Marius ein krigar av dei sjeldne. Trekte seg aldri fra duellar, og hadde ein aggresiv spelestil.  Gav 100% for klubben sin, og var ein av dei som sto fram når det buttar i mot. 

Han har og spelt for Balestrand og Sogndal 2, men for oss vikjer er det jo hyggjeleg at han har spelt for Vik guttelag :-)

Me stillte han nokre spørsmål vedrørande sesongen.

Kva forventningar har du til sesongen? 

For det første får heile 4 divisjon eit solid løft, dette med tanke på at det kjem ned heile 6 gode lag frå fjorårets 3 divisjon. Dette vil gjere at nivået blir betre og utfordringane desto større. For vår eigen del er det å bygge vidare på det fundamentet vi har bygd opp, og utvikle oss vidare som eit lag. Eg føler Kaupanger fotballen er på veg framover og interessa er på veg tilbake.

Kven blir det største overaskelseslaget? 

Eg er sikker på at Førde sitt 2. lag kjem til å bite godt ifrå seg. Trond Olsen som er hovudtrenar for 2 laget gjer ein kanon jobb med dei “nest” beste i klubben. Så eg er sikker på at Førde 2 med forsterkningar frå A – laget, kjem til å overraske positivt.

Gleda deg mest til?
 
Akkurat no gledar eg meg aller mest til å starte sesongen. Grunnlaget er lagt og spelargruppa vår er godt rusta for sesongen som kjem. Eg må innrømme at første serierunde heime mot Vik er noko eg ser fram til, ingen vil tapa denne kampen!

Topp 3 ?

Eg trur at Vik, Sogndal 2 og Kaupanger kjem til å kjempe i toppen.

Jarle Christensen ? 

Det er ingen tvil om at denne mannen har tilført Vik mykje, og kan ta Vik eit steg vidare. Han er fotball klok og verkar roleg i sin rolle. Det blir moro å møte han til duell 15.april på Kaupanger.


 

Me ynskjer Marius Lenni Bøe og Kaupanger lykke til med sesongen. 15.april går startskotet for 4.divisjon 2011, og sesongen kjem til å bli lang og underhaldande. Kaupanger - Vik er altså første seriekampen.